Pinangunahan ni DENR National Capital Region Regional Executive Director Jacqueline A. Caancan ang pagsagawa ng program convergence planning and budgeting workshop para sa Pasig River Coordination and Management Office (PRCMO) noong Lunes, ika-20 ng Pebrero, 2023 sa Tamaraw Hall ng Bulwagan Ninoy, Ninoy Aquino Parks and Wildlife Center (NAPWC), Diliman, Quezon City.
Layon ng workshop na i-ayon at pagtumain ang mga programa, plano at gawain ng PRCMO sa pangkalahatang direksyon ng regional office patungkol sa ginagawang paglilinis at rehabilitasyon ng Manila Bay. Kabilang sa mga dumalo ay ang mga kinatawan ng Environmental Management Bureau-National Capital Region (EMB-NCR), Planning and Management Division (PMD), Manila Bay Coordinating and Management Office (MBSCMO), at tanggapan ng Metropolitan Environmental Office (MEOs) na sumasaklaw sa kaparehong hurisdiksyon ng PRCMO. Tumayo naman bilang resource person si dating DENR Assistant Secretary Corazon C. Davis, EMB-NCR Regional Director Atty. Michael Drake P. Matias, at Assistant Regional Directors Manuel T. Escasura (Management Services) at Engr. Ignacio R. Almira, Jr. (Technical Services).
- Details
