Personal na bumisita ang mga opisyal at kawani ng Department of Trade and Industry-National Capital Region Office (DTI-NCRO) Center for Innovation and Technology for Enterprises (CITE) sa tanggapan ng DENR National Capital Region noong Lunes, ika-20 ng Pebrero, 2023.
Pinangunahan ni G. Ferdinand O. Angeles, CITE Supervising Trade and Industry Development Specialist, ang pagbisita at pakikipagpulong kay DENR National Capital Region Assistant Regional Director for Technical Services, Engr. Ignacio R. Almira, Jr. tungkol sa pagtutulungan ng dalawang ahensya para sa pagpaparami ng kawayan at kasanayan sa paggamit nito (bamboo propagation and technology transfer).
Ang DTI-NCRO ang tumatayong tagapangulo ng NCR Bamboo Industry Council na nakatakdang pangunahan ang pagdiriwang ng Philippine Bamboo Month ngayong Setyembre. Ang DENR National Capital Region ay kasapi ng NCR Bamboo Industry Council.
- Details
